Blinken amesema amefanya mkutano kwa njia ya mtandao na maafisa wa Cyprus, Uingereza, Umoja wa Falme za Kiarabu, Qatar na Umoja wa Ulaya kuanzisha njia mpya ya majini kwa ajili ya kuingiza misaada Gaza.

Amesema hatua hiyo itasaidia usambazaji wa chakula kwa Wapalestina hadi milioni mbili wanaoishi Ukanda wa Gaza uliozingirwa.

Blinken amesema njia hiyo ya baharini haitakuwa mbadala wa zile za nchi kavu na kuongeza kuwa suala la kunzishwa upya kwa njia hizo pia lilikuwa la kipaumbele.