Marekani inashirikiana na Mataifa ya Magharibi katika kutoa mafunzo hayo kwa wanajeshi kutoka mataifa yote ya Afrika.

Mpango huo unaofahamika kama "Flintlock " umeanzishwa katika kambi ya kijeshi ya Daboya kaskazini mwa Ghana na unalenga kuimarisha ulinzi wa mpakani na kupambana dhidi ya makundi yenye itikadi kali za Kiislamu ambayo yanazidi kutanuka maeneo ya kusini.

Vitendo vya makundi hayo vilivyosababisha vifo vya maelfu ya watu na kuwalazimu mamilioni ya wengine kuyahama makazi yao, vimekuwa vikiripotiwa katika nchi za Mali, Niger, Burkina Faso, Benin, Togo na Ivory Coast.