Wizara ya afya ya Gaza imesema hadi sasa idadi ya vifo imefikia watu 38,713. Ahar Abu Emeira ni mkaazi wa Gaza. " Oh ulimwengu, tuokoeni! Si haki kwamba nyote mnatutazama hivi. Hii si haki kushuhudia idadi ya mashahidi wanaokufa kila dakika. Nyumba zinaharibiwa juu ya vichwa vya watu bila sababu yoyote. Mwenyezi Mungu ndiye anayenitosheleza, naye ndiye mlinzi aliye bora zaidi. Maneno hayatoshi kuelezea hili."

Soma zaidi: Israel yaendeleza mashambulizi ya anga na ardhini Gaza

Marekani ambayo ni mshirika na mfadhili wa Israel imekosoa ongezeko la vifo vya raia ambapo Waziri wa Mambo ya nje wa nchi hiyo Antony Blinken amesisitiza kwamba vitendo hivyo havikubaliki.

Kundi la Hamas linaishutumu Israel kuzidisha mashambulizi yake ili kujaribu kukwamisha juhudi za upatanishi na kuzuia mpango wa usitishaji mapigano. Tuhuma ambazo zimekanushwa na serikali mjini Tel-Aviv.