Jeshi la Israel halijazungumzia mashambulizi hayo. Hata hivyo, limeeleza kuwa jana iliyalenga kwa mashambulizi ya anga, maeneo 40 ya wapiganaji wa Hamas katika Ukanda wa Gaza. Taarifa ya jeshi hilo imeeleza kuwa baadhi ya maeneo yalikuwemo ndani ya majengo ya shule.

Wakati huo huo, jeshi la Israel limesema makombora mawili yamerushwa kutokea kaskazini mwa Gaza leo, ikiwa ni mfululizo wa mashambulizi ya hivi karibuni yanayofanywa kutoka katika ardhi ya Palestina.

Kombora moja limeangukia karibu na eneo la Nir Am, na jengine liliangukia kwenye eneo la wazi. Hakuna madhara yoyote yaliyoripotiwa.