Waziri wa Mambo ya Ndani wa Ukraine Igor Klymenko amesema bomu la kwanza lilimuuwa mtu mmoja na kuharibu sakafu kadhaa za hospitali na baada ya hapo, wagonjwa na wafanyakazi walianza kuhamishwa. Baadae shambulizi la pili lilifanyika na kuwauwa watu sita na kuwajeruhi vibaya wengine 12.

Ofisi ya polisi ya Ukraine imeyaita mashambulizi hayo mawili kuwa ya kijinga. Huku waendesha mashtaka wa Ukraine wakisema afisa mmoja wa polisi aliuwawa na mwingine kujeruhiwa. Duru za kiusalama za Ukraine zimesema mashambulizi hayo yalifanywa na droni za Urusi.

Mapema, Urusi ilisema vikosi vyake vinasonga mbele zaidi mashariki mwa Ukraine na kwamba vimechukua udhibiti wa kijiji cha Marynivka katika mkoa wa Donetsk, na sasa vinaelekea kwenye mji muhimu wa Pokrovsk.