Rais wa Ukraine Volodymyr Zelensky aliyehudhuria  mkutano huo amejihakikishia kupatiwa silaha zaidi pamoja na uungwaji mkono wa kidiplomasia wakati wanajeshi wake katika uwanja wa mapambano kwenye mji wa Bakhmut wakikabiliwa na mkwamo.Waziri mkuu wa Japan, Fumio Kishida, amesema, kuhudhuria kwa Zelensky kwenye mkutano huo wa siku tatu uliofikia tamati leo, kumesaidia kutuma ujumbe mzito kwa dunia na kwamba lilikuwa jambo muhimu. Kishida ameongeza pia kuwa, kitisho cha matumizi ya silaha za nyuklia hakipaswi kukubalika popote pale duniani akizungumzia viashiria vya Urusi kutaka kufanya hivyo katika miezi iliyopita.