Matokeo ya ubunge Zimbabwe yaanza kutangazwa
25 Agosti 2023![Uchaguzi wa Zimbabwe](https://static.dw.com/image/66624444_800.webp)
Matangazo
Matokeo ya kwanza ya majimbo ya ubunge yameanza kutolewa katika uchaguzi wa Zimbabwebaada ya hitilafu zilizojitokeza kusababisha upigaji kura kurefushwa kwa siku ya pili katika baadhi ya vitongoji na wanaharakati wa mashirika ya kiraia kukamatwa.
Zoezi la upigaji kura liliendelea jana katika kata 40 ambazo uchaguzi ulichelewa kuanza, hii ikiwa ni kulingana na amri ya rais licha ya sheria ya Zimbabwe kutoa siku moja ya kupiga kura.
Upinzani Zimbabwe wadai kuwepo "wizi wa kura" uchaguzi mkuu
Ingawa kata hizo ni chini ya asilimia moja ya nchi hiyo, lakini zinajumuisha kata 11 zilizomo mjini Harare na zenye idadi kubwa ya wapiga kura. Hadi kufikia jana, majimbo takribani 10 ya ubunge kati ya 210 yalikuwa yameanza kutoa matokeo.