Hayo ni kulingana na taarifa iliyotolewa leo na wizara ya mambo ya nje ya Seoul.

Mkutano huo wa siku ya Jumapili kwenye mji huo wa mwambao, utawakutanisha Park Jin, Yoko Kamikawa na Wang Yi wanaotarajiwa kujadili kuhusu mwelekeo wa maendeleo ya ushirikiano wa pande tatu, hali jumla ya kikanda na kimataifa.

Soma pia:China na Japan zathibitisha uhusiano wa kimkakati

Hayo yanaarifiwa siku chache baada ya Korea Kaskazini kufanikiwa kurusha satelaiti yake ya kwanza ya kijasusi, jambo lililopelekea kusitishwa kwa makubaliano ya kijeshi yaliyodumu kwa miaka mitano kati ya Seoul na Pyongyang yaliyonuiwa kupunguza mvutano kwenye rasi ya Korea.