Waziri Mkuu wa Uingereza Theresa May amewasili nchini Kenya hivi leo na kutiliana saini mikataba kadhaa na taifa hilo la Afrika Mashariki, ukiwemo ule wa kuimarisha vita dhidi ya ufisadi. Kwenye mkataba huo Uingereza itaisaidia Kenya kurejesha mali za mafisadi zilizoko nchini humo. Rais Uhuru Kenyatta amesema kuwa serikali yake haitalegeza kamba dhidi ya ufisadi ili kufikia malengo yake. Kwa upande wake, waziri mkuu wa Uingereza ametoa hakikisho kuwa nchi yake itashirikiana na Kenya kuafikia lengo hilo. Mwanahabari wetu Shisia Wasilwa alihudhuria hafla hiyo iliyofanyika katika ikulu ya Nairobi na kutuandalia ripoti ifuatayo.