Rais huyo wa Ukraine amesema kando na hatua hizo, mazungumzo hayo hayakufanikiwa kufikia muafaka kuhusu suala muhimu la udhibiti wa maeneo.

Urusi inataka kuendelea kuudhibiti mji wa Mashariki mwa Ukraine wa Donetsk kama sehemu ya makubaliano yoyote yale yatakayofikiwa na imetishia kuuchukua kwa lazima iwapo Ukraine itakataa kuridhia hilo katika meza ya mazungumzo.

Ukraine imekataa sharti hilo ikisema haitotia saini makubaliano hadi pale taifa lake litakapopata hakikisho la usalama linalojumuisha Urusi kuachana na uvamizi wake Kiev. Awali Zelensky alisema anatilia shaka iwapo Urusi ina nia ya kweli ya kufikia amani huku akimuita Rais Vladimir Putin mtumwa wa vita.

Kwa upande wake ujumbe wa Urusi katika mazungumzo hayo yaliyomalizika chini ya saa mbili baada ya kuanza, ulisema majadiliano yalikuwa magumu ukisisitiza kuwa majadiliano mengine yamepangwa kufanyika katika siku za usoni.