Mbio za ubingwa wa Ujerumani zashika kasi
17 Aprili 2023![Bundesliga - Stuttgart - Dormund 15.04.2023](https://static.dw.com/image/65335875_800.webp)
Matangazo
Dortmund walitoka sare mabao 3 na VfB Stuttgart ugenini huku Bayern wakizuiliwa sare ya bao moja na TSG Hoffenheim nyumbani kwao Allianz Arena.
Bayern walionekana kutokuwa na makali bila kuwepo kikosini kwa mchezaji nyota Sadio Mane ambaye alipewa marufuku ya mechi moja na klabu yake kwa utovu wa nidhamu.
Kocha wa Dortmund Edin Terzic alighadhabishwa na jinsi wachezaji wake walivyoupoteza uongozi wa mechi katika dakika za mwisho za muda wa majeruhi kwani ushindi katika mechi hiyo ungeipelekea timu hiyo kuwa sawa kipointi na Bayern ambao kwa sasa wana pointi 59 Dortmund wakiwa pointi mbili tu nyuma yao.
Chanzo: Jacob Safari/Reuters/AP