Shirika hilo limesema meli hiyo ambayo haijatambuliwa imeshambuliwa kwa risasi katika Ghuba ya Aden. Hakuna taarifa zaidi zilizotolewa kuhusiana na shambulizi hilo.

Haya yanajiri siku moja tu baada ya Iran kuikamata meli moja ya mafuta iliyokuwa inaelekea Marekani katika Ghuba ya Oman. Iran inasema ilichukua hatua hiyo kwa kuwa meli hiyo ilihusika katika ajali iliyosababisha kupotea kwa wahudumu wawili wa meli.

Marekani imeitaka Iran iiachilie meli hiyo ikisema hatua hiyo inakwenda kinyume na sheria ya kimataifa na inatatiza usalama wa kikanda.