Hayo yameripotiwa na shirika la habari la AFP likinukuu chanzo kimoja cha kidiplomasia kilichoarifu kuwa Meloni ataondoka jioni ya leo mjini Hiroshima na kurejea Italia.

Mafuriko yaliyosababisha kutokea kwa janga hilo yalitokana na mvua iliyonyesha kwa saa 36 katika mkoa wa Emilia Romagna.  Yanatajwa kuwa ndiyo mabaya zaidi kuwahi kutokea nchini Italia katika kipindi cha karne moja.

Viongozi wa kundi la G7, wameahidi kumsaidia Meloni ambaye wakati wa mazungumzo, aliwaonesha picha za janga hilo. Rais Emmanuel Macron kupitia ukurasa wake wa Twitter aliandika kuwa Ufaransa iko tayari kutoa msaada muhimu kwa Italia.