Ushindi huo unawaweka kileleni mwa La Liga wakiwa na alama arubaini na tatu sawa sawa na mahasimu wao Real Madrid ila Madrid wameshindwa na tofauti ya mabao. Atletico Madrid wanaishikilia nafasi ya tatu na Sevilla ni wa nne wote wakiwa na pointi thelathini na tano.

Baada ya kuulizwa anachostahili kurekebisha katika kikosi chake, kocha mpya wa Barca Quique Setien alikuwa na haya ya kusema.

"Timu imecheza vyema, nikitulia na kuitazama tena mechi nina uhakika nitaona vitu tunavyostahili kuvirekebisha lakini kwa ujumla ninafurahishwa na mambo mengi tuliyoyaona leo, labda tunaweza kucheza kwa kusambaza mpira zaidi unapokuwa uwanjani lakini nitalitazama hilo kwa undani zaidi," alisema Setien.