Mfalme Charles III ziarani Kenya
31 Oktoba 2023![Königlicher Besuch in Kenia – Tag eins](https://static.dw.com/image/67262834_800.webp)
Mfalme Charles III anakabiliwa na miito ya kumtaka aombe radhi kuhusiana na historia ya umwagaji damu uliosababishwa na ukoloni wa Uingereza.
Ni ziara ya kwanza ya kiongozi huyo wa nchi mwenye umri wa miaka 74 katika taifa la Kiafrika na Jumuiya ya Madola tangu alipovishwa taji la Ufalme Septemba mwaka jana baada ya kifo cha mama yake, Malkia Elizabeth II.
Soma zaidi: Mfalme Charles III alihutubia Bunge la Ufaransa
Mfalme Charles III na mkewe, ambao waliwasili Kenya jana usiku, walikaribishwa katika hafla rasmi leo asubuhi na Rais William Ruto wa Kenya katika Ikulu ya Nairobi.
Soma zaidi: Tume ya haki Kenya yamtaka Mfalme Charles aombe msamaha
Ruto ameisifu ziara hiyo akisema ni fursa muhimu ya kuimarisha ushirikiano katika nyanja mbalimbali. Ubalozi wa Uingereza umesema ziara hiyo, inayofuatia safari za Ujerumani na Ufaransa mapema mwaka huu, itaangazia ushirikiano thabiti uliopo kati ya Uingereza na Kenya.
Lakini pia itatambua mambo machungu zaidi ya uhusiano wa kihistoria kati ya Uingereza na Kenya.
Nchi hiyo ya Afrika Mashariki inajiandaa kuadhimisha miaka 60 ya uhuru Desemba mwaka huu.