Chaguo la kuanza kuyatembelea mataifa hayo ambayo pia ni washirika wake wa karibu, linatazamiwa kama jaribio la kufufua uhusiano baada ya Uingereza kujiondoa katika Umoja wa Ulaya katika kile kinachofahamika zaidi kama "Brexit".

Ziara ya Mfalme Charles wa III atakayeambatana na mkewe Camilla, itaanza Machi 26 hadi 31, kabla ya sherehe za kutawazwa rasmi Ufalme zitakazofanyika Mei 6 mwaka huu. Charles wa III atapokewa nchini Ufaransa na rais wa nchi hiyo Emmanuel Macron.