Mgomo huo ambao umeikumba nchi hiyo kubwa kabisa kiuchumi Ulaya umechangia safari nyingi kuahirishwa. Chama cha viwanja vya ndege Ujerumani - ADV kimesema migomo katika viwanja vya ndege vya Dusseldorf, Cologne/Bonn, Stuttgart na Karlsruhe/Baden-Baden itasababishwa kufutwa leo safari 681. Kimesema abiria 89,000 wataathirika. Chama cha wafanyakazi Ujerumani - Verdi kimesema migomo ilianza jana usiku katika viwanja vya Dusseldorf na Colonge/Bonn. Verdi imeitisha migomo hiyo kwa sababu mazungumzo kuhusu mishahara katika ajira za sekta ya safari ndege yamekwama na mzozo wa mishahara katika sekta ya umma ukiendelea.