Mkuu wa polisi katika kaunti ndogo ya Malindi, John Kemboi, amesema bado makaburi mengine katika eneo la mchungaji anayehusishwa na imani ya kishirikina hayajafukuliwa.

Watu wanne zaidi walikufa baada ya kugundulika wakiwa wana njaa kali katika kanisa la Good News International, wakiwa na waumini wenzao.

Polisi wameiomba mahakama kubakia na mchungaji huyo kwa muda zaidi, wakati uchunguzi wa vifo hivyo ukiendelea.

Mchungaji huyo aliwahi kukamatwa mara mbili mwaka 2019 na mwezi Machi mwaka huu, akihusishwa na vifo vya watoto na kuachiwa kwa dhamana wakati kesi zote mbili zikiendelea.