Msemaji wa shirika hilo Mahmud Bassal amesema miili hiyo imepatikana katika wilaya za Tal al-Hawa na al-Sinaa.

Shirika hilo na wakaazi wamesema, jeshi la Israel limeondoka baada ya makabiliano ya siku kadhaa na wanamgambo wa Hamas, ingawa hilo halijathibitishwa na jeshi la Israel.

Soma pia: Hamas yasema haijapokea taarifa kutoka kwa wapatanishi

Haya yanafanyika wakati ambapo Rais wa Uturuki Reccep Tayyip Erdogan amesema hatoidhinisha ushirikiano wowote wa siku zijazo kati ya jeshi la jumuiya ya kujihami ya NATO na Israel, wakati vita vya Israel dhidi ya Hamas vinaendelea huko Gaza.

Erdogan ameyasema haya katika ujumbe aliouandika katika mtandao wa kijamii wa X leo baada ya kukamilika kwa mkutano wa kilele wa NATO mjini Washington jana.