Miili miwili yapatikana jengo lililoporomoka Marseille
10 Aprili 2023![Frankreich Marseille | Wohnhaus eingestürzt](https://static.dw.com/image/65268502_800.webp)
Matangazo
Idara ya zima moto katika taarifa yake leo Jumatatu imesema kwamba zoezi hilo litachukua muda kutokana na changamoto zilizojitokeza katika kuchimbua miili hiyo.
Miili hiyo imepatikana takribani masaa 24 baada ya mripuko huo kusababisha kuporomoka kwa jengo la ghorofa nne.
Taarifa rasmi ya siku ya Jumapili jioni ilisema kuwa waokoaji walikuwa wakiwatafuta watu wanane ambao walidhaniwa kukwama kwenye vifusi.
Mamlaka katika mji huo imesema serikali bado imejitolea kikamilifu kuendelea na zoezi la utafutaji wa waathirika wa mkasa huo.