Misri itaandaa mkutano wa kutafuta njia za kumaliza mapigano yaliyodumu kwa wiki 12 nchini Sudan baina ya makamanda hasimu wa kijeshi. Taarifa iliyotolewa na ofisi ya rais wa Misri imesema kuwa mkutano huo utakaofanyika Julai 13, unalenga kutengeneza mifumo madhubuti na mataifa jirani ili kupata ufumbuzi wa mzozo huo kwa amani kwa uratibu wa juhudi za kikanda na kimataifa. 

Wakati huohuo Umoja wa Mataifa umeonya kwamba, mzozo wa Sudanuko kwenye ukingo wa kutumbukia katika vita kamili vya wenyewe kwa wenyewe vinavyoweza kudhoofisha kanda nzima. Tahadhari hiyo imetolewa baada ya shambulio la anga katika makaazi ya raia lililosababishavifo vya watu 22.

Watu wapatao 3,000 wameuawa katika mzozo huo, huku manusura wakiripoti wimbi la ukatili wa kingono, mauaji ya kikabila na vitendo vikubwa vya uporaji.