Meya wa mji wa Kyiv Vitali Klitschko amesema mji huo mkuu wa Ukraine umekabiliwa na shinikizo la mashambulizi ya droni usiku wa kuamkia leo.

Watu walioshuhudia wameliambia shirika la habari la Reuters kwamba wamesikia mfululizo wa milipuko katika kile kilichosikika kama mifumo ya ulinzi wa anga ikiwa kazini.

Mji wa Kyiv, eneo la viunga vyake na eneo kubwa la himaya ya Ukraine yamekuwa chini ya tahadhari ya kushambuliwa kutokea angani. Ving'ora vya kuwatahadharisha watu kuhusu mashambulizi ya kutokea angani vilianza kusikika tangu saa moja usiku hapo jana.