Mkurugenzi wa michezo BvB, Zorc asifu maendeleo ya FC Bayern
27 Septemba 2020![Fussball Sportdirektor Dortmund Michael Zorc](https://static.dw.com/image/43880477_800.webp)
"Msimu uliopita kikosi cha Bayern chini ya uongozi wa Hansi Flick, tulishuhudia utayari maalum wa kutoa asilimia 100 uwanjani kwa kila hali," Zorc aliliambia gazeti la Jumapili la frankfurter Allgemeine.
"Na bila shaka , tunataka nasi pia kuelekea katika mwelekeo huo," alisema.
Kwa upande wa Jadon Sancho na Jude Bellingham , Dortmund imeongeza chipukizi mwingine kutoka Uingereza kwa kumpa kandarasi Jamie Bynoe-Gittens, mwenye umri wa miaka 16, ambae aliwasili wiki iliyopita kutoka Manchester City. Lakini Zorc alisema anafuraha kwamba kikosi chake kina mchanganyiko wa vijana chikukizi na wenye uzoefu.
"Hususan ni muhimu kama alivyosainiwa Jude Bellingham pia ni muhimu kwa Thomas Meunier , ambaye anakuja na uzoefu mkubwa alionao, mtazamo wa hali ya juu pamoja na nguvu alizonazo," alisema kuhusiana na mchezaji huyo mpya kutoka Paris Saint-Germain.
Na Zorc alimkingia kifua kocha wa Borussia Dortmund ambaye mara kwa mara hukosolewa. "Nilisema msimu mzima uliopita kwamba hapa Dortmund hatujadili nafasi ya kocha , lakini inaelekea hakuna mtu anayetaka kusikia hilo," alisema. "Sihusiki na uvumi na minong'ono , na kwa ukweli kabisa, sina nia ya kushughulikia suala hilo pamoja nao."