Afisa mmoja wa ngazi ya juu wa India ambaye hakupenda jina lake litajwe amesema, nchi nyingi za magharibi zikiwemo Marekani, Uingereza, Ujerumani na Ufaransa zilishinikiza kutolewa kwa tamko la pamoja la kulaani uvamizi wa Urusi nchini Ukraine, wakati Urusi na mshirika wake wa karibu China wamepinga hatua hiyo.

Mapema wiki hii waziri wa fedha wa Marekani Janet Yellen alisema moja ya malengo yake mwaka huu ni kupambana na juhudi za Urusi kukwepa vikwazo.