Hayo yamefahamishwa na Naibu waziri wa mambo ya nje wa Urusi Sergei Ryabkov aliyesema kuwa ziara ya Grossi ni muhimu ili kufikia makubaliano ya eneo salama lisilohusishwa na vita, lakini akabaini kuwa mazungumzo hayo hayatokuwa rahisi.

Maeneo yenye mitambo ya nyuklia yamekuwa tishio katika kipindi chote cha mzozo wa takriban mwaka mmoja nchini Ukraine, huku mashambulizi karibu na vituo kadhaa ikiwemo kile cha Zaporizhzhia yakizua hofu ya kutokea kwa tukio baya zaidi la nyuklia.