Mladic sasa afikishwa The Hague
1 Juni 2011![Helikopta ya jeshi la Polisi la Uholanzi inayoaminiwa kumchukua Ratko Mladic](https://static.dw.com/image/6538980_800.webp)
Matangazo
Msemaji wa mahakama hiyo amesema Mladic, ambaye awali alichelewesha kuhamishwa kwake kwa sababu za kitabibu, atafanyiwa uchunguzi mwengine kamili wa afya yake na kisha kuwekwa katika mahabusu maalumu kwa siku chache za kwanza.
Jenerali huyo wa zamani wa jeshi la Serbia-Bosnia anakabiliwa na mashtaka ya mauaji ya kimbari na anatuhumiwa kwa kupanga mauaji ya kikatili ya Waislamu 8,000 huko Srebrenica mnamo mwaka 1995.
Pia anashtakiwa kwa kuuzingira mji wa Sarajevo kwa miezi 44 ambapo watu 10,000 waliuwawa. Kesi hiyo inatarajiwa kuanza kusikilizwa mwishoni mwa wiki hii.
Mwandishi: Bruce Amani/ZPR
Mhariri: Mohammed Abdul-Rahman