Msemaji wa jeshi la ulinzi la Japan - SDF amethibitisha tukio hilo akisema mtu mmoja aliokolewa lakini baadae akathibitishwa kufariki.

Waziri wa Ulinzi Minoru Kihara amesema waokoaji walikiona kile kilichosadikika kuwa kipande cha helikopta hiyo baharini na wanaamini vyombo hivyo viwili viligongana.

Maafisa wanasema helikopta hizo huenda ziligongana na kuanguka wakati wa mafunzo ya usiku ya jinsi ya kukabiliana na mashambulizi ya nyambizi karibu na Visiwa vya Izu katika Bahari ya Pasifiki.

Vifaa vya kurekodi sauti za ndege hizo vilipatikana karibu na eneo la mabaki na vinafanyiwa uchunguzi, huku maafisa wakiwahoji marubani waliokuwa katika helikopta ya tatu ambayo ilikuwa inashiriki katika mazoezi hayo lakini haikuhusika katika ajali hiyo.