Matokeo rasmi ya uchaguzi huo yaliyotangazwa jana jioni, yameonesha kuwa BJP kilishinda viti 240 pekee katika uchaguzi huo mkuu, kukiwa na upungufu wa viti 32 kufikia nusu ya idadi ya viti katika bunge jilo lenye wajumbe 543. Matokeo hayo yamewashtua wawekezaji na kusababisha hisa kushuka kwa kasi, kwani Modi atalazimika kutegemea vyama vyengine vya majimbo kuunda serikali, na ambavyo kuaminika kwao kisiasa kumeyumba. Lakini juhudi zozote za kuunda serikali na upinzani huenda zimezuiliwa na washirika wawili wakuu wa BJP waliomuidhinisha Modi na kusema muungano wao wa kabla ya uchaguzi na chama hicho ulikuwa thabiti.