Regragui amesema wanataka kuibuka kidedea ulimwenguni, lakini ni sharti wawe imara ndipo wasonge mbele. Ameongeza kuwa wao si miongoni mwa wanaopigiwa upatu kushinda lakini wana Imani.

Katika michuano yao, timu hiyo ilishangaza miamba kama Ubelgiji, Uhispania na Ureno kwa kuwabandua nje ya michezo hiyo.

Morocco ndiyo timu pekee ya Afrika kuwahi kufika nusu fainali katika michuano ya kuwania Kombe la Dunia la FIFA.

Timu hiyo itacheza kesho Jumatano na mabingwa watetezi Ufaransa katika uwanja wa Al Bayt.