Mamlaka nchini Iraq imesema meya na mkuu wake wa zimamoto ni miongoni mwa maafisa watano wa taifa hilo waliofutwa kazi kwa kile kilichoelezwa kuwa "uzembe mkubwa" baada ya ajali ya moto ya wiki iliyopita ulioua watu 107 kwenye harusi.

Duru zinaeleza pamoja na kushtakiwa kwa uzembe meya huyo atashitakiwa kwa kuruhusu ujenzi holela wa jengo kulikotokea maafa hayo.

Mkasa huo ulitokea katika mji wa kaskazini mwa Iraq wa Qaraqosh, sehemu ya jamii ndogo ya Wakristo wa Iraq karibu na Mosul, katika ukumbi wa harusi uliokuwa na uwezo wa kuchukua takriban watu 400.