Wavamizi hao waliufyatulia risasi msafara huo katika barabara moja kuu huko Ogbaru katika jimbo la Anambra ambalo kulingana na polisi, ni kitovu cha machafuko ya wanaotaka kujitenga kutoka Nigeria katika eneo hilo.

Kikosi cha pamoja cha maafisa wa usalama kilifika katika eneo hilo ila kilikuwa kimechelewa kwani wavamizi hao walikuwa wameshatoweka na kuwateka nyara maafisa wawili wa polisi na mmoja wa madereva.

Hakuna raia yeyote wa Marekani aliyekuwa katika msafara huo ulioshambuliwa.