Kalembe, mji mdogo katika eneo la Walikale, Kivu Kaskazini ulizingirwa na kudhibitiwa na wanamgambo wa M23 siku ya Jumapili asubuhi wakati waasi walipowashinda wapiganaji wazalendo wanaungwa mkono na serikali ya Kongo. Msemaji wa jeshi la Kongo Sylvain Ekenge amesema mji wa Kalembe umerudishwa kwenye udhibiti wao hii leo ingawa kwa upande mwingine Corneille Nangaa, kiongozi wa kundi la AFC linalojumuisha M23amesema bado waasi hao wanalidhibiti eneo hilo. Angola ambayo imekuwa ikitafuta upatanishi kati ya Kongo na kundi hilo imesema kitendo cha M23 kulivamia eneo la Kalembe kumekiuka mpango wa upatanishi wa Angola uliosainiwa mwezi Agosti mwaka huu .