Mshambuliaji wa zamani wa Italia Vialli afariki
6 Januari 2023
Mshambuliaji huyo wa zamani alisemekana kwamba anaugua saratani mwaka 2017 ila alikuwa na dhima kubwa katika kampeni ya Italia ya kushinda Kombe la Ulaya mwaka 2021 ambapo alimsaidia aliyekuwa mshambuliaji mwenzake wa muda mrefu katika klabu ya Sampdoria na kocha wa timu hiyo ya taifa Roberto Mancini.
"Pamoja tumetoka mbali, tumekuwa na kutafuta, tumeshinda na kuwa na ndoto pamoja. Ulikuja kama mvulana ila sasa tunakupigia saluti kama mwanamume," ilisema taarifa ya klabu ya Sampdoria.
Alipata umaarufu katika klabu hiyo ya Sampdoria ambayo aliichezea kwa misimu minane ambapo alishinda taji la Serie A na Kombe la Vila Bingwa Ulaya kabla kujiunga na Juventus mwaka 1992 kwa kitita cha yuro milioni 16.5 ambacho ilikuwa ni rekodi wakati huo.
Alishinda Kombe la Vila Bingwa Ulaya akiwa na Juventus kabla kujiunga na Chelsea 1996 ambapo mwaka 1998 aliishia kuwa mchezaji na kocha wakati huo huo baada ya Ruud Gullit kuachishwa kazi.
Aliiongoza Chelsea kushinda kombe la FA mwaka 2000 ila msimu uliofuata akaachishwa kazi.
Chanzo/AFP