Jadon Sancho baada ya kufunga goli, alivua fulana yake na kuonyesha ujumbe aliokuwa ameuandika ukisema "haki kwa George Floyd". Mchezaji mwenzake hapo dortmund Achraf Hakimi pia alikuwa na ujumbe sawa na huo.

Katika mechi ya Borussia Moenchengladbach na Union Berlin ambapo Gladbach waliebuka kidedea nne moja, mshambuliaji Marcus Thuram baada ya kufunga goli alionekana akipiga goti kama ishara ya kuonyesha mshikamano na George Floyd ambaye alifariki baada ya kuwekewa goti shingoni na afisa wa polisi.

Katika mpambano ule wa Schalke na Werder Bremen, mchezaji wa Schalke ambaye ni raia wa Marekani Weston McKennie alivaa utepe uliokuwa na ujumbe kama ule aliokuwa nao Sancho kwenye fulana yake akitaka haki kwa George Floyd.