Maiga hajatoa kauli kuhusu kukamatwa huko na haijabainika kama aliiunga mkono taarifa hilo au la. Vuguvugu la M5-RFP limegawanyika katika makundi mawili tofauti. Maiga alikuwa ametangaza kuwa utawala wa kijeshi utaandaa tu uchaguzi mara baada ya hali ya usalama kutulia kabisa.

Soma pia: AU yairai Mali kuweka wazi mpango kuelekea demokrasia

Duru ya idara ya mahakama imesema Traore aliwekwa rumande kwa kuhujumu taifa, kuidharau mahakama, kuvuruga utulivu wa umma na kuchapisha taarifa za uwongo.

Kesi yake imepangiwa kuanza Julai mosi. Traore ni mshirika wa pili wa Maiga ambaye amewekwa jela baada ya Abdelkader Maiga kuhukumiwa kifungo cha miaka miwili jelakwa kosa la kumchafulia jina mnamo Aprili.