Wapinzani wa muswada huo katika bunge la Uingereza walikuwa wanataka ulegezwe kidogo kwa kufanyiwa mabadiliko ila juhudi zao hazikufua dafu. Sasa muswada huo utakuwa sheria baada ya utaratibu wa Mfalme Charles wa tatu kuukubali.

Wahamiaji wasio na vibali kupelekwa katika nchi zengine kama Rwanda. 

Sheria hiyo itafanya kuwa kinyume cha sheria, maombi ya kutaka hifadhi ya wahamiaji wote wanaowasili nchini humo kupitia ujia wa bahari wa Uingereza na njia zengine zote haramu. Wahamiaji watakaoingia nchini humo kwa njia hizo sasa watapelekwa katika nchi zengine kama Rwanda. 

UNHCR yalaani hatua hiyo

Shirika la Umoja wa Mataifa kuhusu wakimbizi UNHCR limelaani hatua hiyo likisema huo ni ukiukaji wa sheria ya kimataifa na kutahadharisha kwamba, sheria hiyo itawaweka wakimbizi kwenye hatari kubwa.