Haya ni kwa mujibu wa matokeo rasmi yaliyotangazwa mapema leo na tume ya uchaguzi nchini India. Hesabu rasmi imeonesha kwamba muungano huo wa National Democratic Alliance umeshinda viti 282 bungeni, hiyo ikiwa ni viti kumi zaidi ya vile vinavyohitajika ili kupata wingi katikabunge hilo. Idadi hiyo lakini ilikuwa ndogo ikilinganishwa na vile ilivyotabiriwa. Modi alikuwa tayari amedai kwamba ameshinda hapo jana ingawa matokeo rasmi yalikuwa hayajatolewa na chama chake cha BJP kilishinda viti 60 vichache kuliko ile rekodi ya viti 303 kilichoshinda katika uchaguzi wa mwaka 2019.