Mgombea wa vyama hivyo Szymon Holownia amechaguliwa kwa kura 265 dhidi ya 193 za mgombea wa chama tawala cha Sheria na Haki PiS katika bunge lenye viti 460.

Ushindi huo unatizamwa na wengi kama jaribio la mwisho kwa vyama vitatu vya upinzani vinavyotafuta kuunda serikali mpya na kukiondoa chama cha kihafidhina cha Sheria na Haki PiS.

Soma pia: Muungano wa upinzani wafanikiwa wingi wa viti Poland

Kikao hicho cha kwanza cha bunge kimefanyika wakati pande zote mbili za upinzani na muungano wa chama tawala zikijaribu kuunda serikali.

Chama cha Sheria na Haki PiS kilishindwa kupata wingi wa viti bungeni kuweza kuunda serikali licha ya kushinda uchaguzi wa Oktoba. Lakini kilipewa nafasi ya kwanza ya kuunda serikali na Rais wa Poland Andrej Duda.