Hayo yametangazwa na waziri wa mambo ya ndani wa Ufaransa Gerald Darmanin.

Mwanaharakati huyo ni mtu wa kwanza kukamatwa na kutangazwa hadharani tangu kutokea tukio la kushambuliwa mifumo ya usafiri mjini Paris saa chache kabla ya kuanza kwa sherehe za ufunguzi wa michezo ya Olimpiki Ijumaa.

Soma pia: Ufunguzi wa Michezo ya Olimpiki Paris 2024

Taarifa zaidi zinasema watu wengine 50 pia wamekamatwa.

Wakati huo huo, gazeti la Le Parisien na kituo cha televisheni cha BFM wametangaza leo Jumatatu kwa kunukuu vyanzo ambavyo havikutajwa, kwamba mifumo ya kampuni ya Telekom inayofungamana na makampuni mawili ya mawasiliano ya Ufaransa imehujumiwa.