Hujuma hiyo ilifanywa siku ya ijumaa, ambapo kifaa cha kienyeji cha mripuko kilirushwa kuwalenga walinda usalama na baadaye zilitumika silaha ndogo ndogo kushambulia kilomita saba kutoka kambi yao iliyoko mji wa Ber na mlinda amani mmoja aliuwawa na wengine wanane walijeruhiwa vibaya. Wanajeshi wote hao wa Minusma, walioshambuliwa ni raia wa Burkina Faso.

Katibu mkuu wa Umoja wa Mataifa na baraza la usalama la Umoja huo wamelaani mashambulio hayo na kuzitaka mamlaka nchini Mali kuwatafuta waliofanya hujuma hizo na kuwachukulia sheria,Umoja huo ukisema kwamba mashambulizi dhidi ya walinda amani wa taasisi hiyo huenda ukaatazamwa kama uhalifu wa kivita chini ya sheria ya kimataifa.