Mwezi uliopita mwakilishi wa shirika la waandishi wa habari wasio na mipaka kanda ya Afrika Kaskazini, Khaled Drareni aliitaja kesi hiyo kuwa ni matumizi mabaya ya mfumo wa haki katika kutisha na kunyamazisha waandishi wa habari.

Mwandishi huyo atatumikia kifungo cha mwaka mmoja na miezi mitano jela na anatakiwa kulipa faini ya Dola 150,000 baada ya kukutwa na hatia.

Hamid alishitakiwa baada ya malalamiko kutoka kwa waziri wa sheria Abdellatif Ouahbi. Mwandishi huyo alikuwa amechapisha vidio katika tovuti yake ikimtuhumu waziri kwa ufisadi na rushwa, madai ambayo waziri huyo wa sheria aliyakana yote.