Kwa kura 22 dhidi ya moja, wabunge katika bunge la Nagorno-Karabakh wamemchagua mkuu wa baraza la usalama katika serikali hiyo ya uasi, Samvel Shahramanyan, mwenyemiaka 45, kumrithi kiongozi anayeondoka Arayik Harutyunyan aliyejiuzulu mnamo Septemba 1. Azerbaijan imeutaja uchaguzi huo kuwa hatua nyingine ya uchokozi mkubwa na ukiukaji wa wazi wa uhuru wake na uadilifu wa eneo hilo.

Umoja wa Ulaya wasema hautambui mfumo uliotumika kuandaa uchaguzi huo

Umoja wa Ulaya umesema hautambui mfumo wa kikatiba na kisheria uliotumika kuandaa uchaguzi huo, lakini umetoa wito kwa raia wa Armenia walioko katika eneo hilo la Nagorno Karabakh kuungana katika uongozi wa kweli unaoweza na ulio tayari kushiriki katika mazungumzo ya tija na Azerbaijan.