NATO ICHUKUWE JUKUMU ZAIDI IRAQ:
5 Desemba 2003Matangazo
BRUSSELS: Waziri wa kigeni wa Marekani Colin Powell ametoa muito kwa wanachama wa Ulaya katika Shirika la Kujihami NATO,kuzingatia kushika jukumu zaidi katika ujenzi wa Iraq.Baada ya kushauriana na washirika wenzake wa NATO mjini Brussels,waziri Powell amesema uwezekano mmoja ni kuvipokea vikosi vya Poland vilivyokuwepo eneo la kati la Iraq.Kwa upande mwingine waziri wa kigeni wa Ujerumani Joschka Fischer ameusisitiza tena msimamo wa serikali ya Berlin.Ujerumani inaunga mkono misaada ya kiutu na kazi za kuijenga upya Iraq,lakini haitopeleka vikosi vyake nchini Iraq.
