Stoltenberg amesema ni wazi kwamba Rais wa Urusi Vladimir Putin hajiandai kwa makubaliano ya amani na jirani yake, lakini anaendelea na matayarisho ya kufanya mashambulizi zaidi. 

Soma pia:NATO yaonya juu ya uhaba wa risasi Ukraine

Urusi inadaiwa kuendeleza mashambulizi makali katika mji wa Bakhmut siku kadhaa kabla ya uvamizi wake nchini Ukraine kutimiza mwaka mmoja.

Maafisa wa Ukraine wamesema wanajeshi wake wanapambana na wanajeshi wa Urusi katika mashambulizi hayo ya ardhini mashariki mwa taifa hilo.