Navalny azikwa mjini Moscow
1 Machi 2024![Urusi, maziko ya Navalny](https://static.dw.com/image/68420083_800.webp)
Matangazo
Maelfu ya waombolezaji walifika katika maziara ya Borisovskoye kumuaga kiongozi huyo aliyekuwa mkosoaji mkubwa wa Rais Vladimir Putin.
Wapendwa wake wamesema alizikwa muda mfupi baada ya ibada ya kanisani iliyofanyika viungani mwa mji wa Moscow.
Soma zaidi: Navalny atarajiwa kuzikwa kusini mwa jiji la Moscow
Navalny, aliyekuwa na umri wa miaka 47,aliaga dunia wiki mbili zilizopita katika gereza alikokuwa amefungwa.
Kulikuwa na idadi kubwa ya polisi wakati wa mazishi hayo yaliyofanyika baada ya mvutano kati ya familia na maafisa kuhusu kukabidhiwa kwa mwili wake.
Mke wake na wanaharakati wenzeke wamemtuhumu Rais Putin kuhusika na kifo chake.