Hayo yameelezwa na mmoja wa maafisa waandamizi nchini humo aliyezungumza na shirika la habari la AFP baada ya miili 68 kupatikana hadi sasa kufuatia ajali hiyo iliyotokea jana Jumapili. Afisa mkuu katika eneo la Taksi ilikotokea ajali hiyo Tek Bahandur KC amesema wanaendelea kuitafuta miili ya watu wengine wanne na wanaomba itokee miujiuza ingawa matumaini ya kumpata yeyote akiwa hai yameondoka. Msemaji wa mamlaka ya safari za anga ya Nepal amesema kifaa cha kurekodi data na sauti kimeshapatikana kwenye eneo la ajali. Maombolezo ya siku moja yamefanyika leo nchini humo. Ndege ya shirika la ndege la Yeti ya nambari za usajili ATR 72 iliangukia kwenye korongo na kupasuka vipande na kuripuka moto.