Netanyahu amewaambia waandishi wa habari baada ya kumalizika maandamano yaliyofanyika nchini Israel kote, kwamba hatakubali kushinikizwa ili arudi nyuma katika msimamo wa kufanya mazungumzo na Hamas juu ya  kuvimaliza vita.

Soma pia: Biden asema Netanyahu anakwamisha mapatano Gaza 

Baada ya kuuawa mateka sita kwenye Ukanda wa Gaza watu nchini Israel kote walifanya maandamano makubwa ya kuishinikiza serikali iwakomboe mateka waliobakia.

Rais wa Marekani Joe Biden alipokutana na wajumbe wa nchi yake wanaofanya mazungumzo na wajumbe wa Qatar na Misri kwa lengo la kuleta mapatano yatakayowezesha kuachiwa kwa mateka wa Israel waliobakia amesema Netanyahu hajachukua hatua za kutosha ili mateka waachiwe.