Ziara hiyo lakini haikuwaendea vyema Bayern baada ya kufungwa na Juventus katika mechi ya awali na mnamo Jumamosi Manchester City wakawafunga 3-2. Meritan Shabani aliwafungia Bayern bao la kwanza na Arjen Robben akafunga la pili huku Manchester City wakifungiwa na Bernado Silva aliyefunga mawili kisha Lukas Nmecha akafunga moja.

Ila matokeo hayo hayajawavunja moyo Bayern Munich kwa kuwa kocha wao mpya waliyemnunua kutoka Eintracht Frankfurt Niko Kovac amesema matayarisho yalikuwa mazuri licha ya kushindwa kwenye mechi mbili. Kovac amesema la muhimu kwake ni kwamba wachezaji wake wako imara. Wakati huo huo Kovac amesema Manuel Neuer ataendelea kuwa nahodha wa klabu hiyo akidai klabu hiyo in a wachezaji kadhaa walio na uwezo wa kuwa manahodha. Hii inamaanisha Thomas Müller ataendelea kuwa nahodha msaidizi.

Mwandishi: Jacob Safari/Reuters/DPA/AFP

Mhariri: Yusuf Saumu