Mmalaka ya Wapalastina yanakaribia kutumbukia kwenye msiba mkubwa wa kibinaadam kufuatia miaka mitatu kukaliwa na Israel. Ripoti hiyo inasema ni nusu ya wakaazi wa Ukingo wa Magharibi na Mwambao wa Gaza wanaoweza kupata chakula mara moja kwa siku. Na sababu kuu ni hatua za Israel kujibu mashambulio ya uripuaji mabomu kwa njia ya kujitolea mhanga na uwekaji vipingamizi dhidi ya Wapalastina. Kiasi wapalastina laki moja wamepoteza kazi zao Israel tangu Septemba mwaka 2000, kwa kuwa wamenyanganywa vibali vya kazi. Na katika maeneo yanayokaliwa na Israel, kazi za kilimo na usafirishaji wa vyakula zinasumbuliwa kwa ukaguzi kwenye vipingamizi majiani na pia sheria ya kukataza watu kutoka nje. Isitoshe kilimo kinaharibiwa kwa njia ya kunyanganya ardhi zenye rotuba.