Hatua hiyo inachukuliwa baada ya kuongoza mapinduzi yaliyomuondoa madarakani rais aliyechaguliwa kwa njia ya demokrasia, Mohamed Bazoum.

Tchiani, anayejulikana pia kwa jina moja tu la Omar, amelihutubia taifa leo Ijumaa, siku mbili tu baada ya mapinduzi ya kijeshi.

Kiongozi huyo wa jeshi amesema nchi hiyo inahitaji kubadili mkondo na kuepuka kile alichokiita "kifo cha polepole kisichoepukika" na kwamba yeye na wengine wameamua kuingilia kati ili kulinda usalama wa taifa.

Wakati wa hotuba yake, televisheni ya taifa ilimtambulisha kama mkuu wa kitaifa wa baraza la kulinda nchi, ambalo ni kundi la wanajeshi lililoongoza mapinduzi hayo.